१५ पुस, काठमाडौं ।
सत्तारुढ दल नेपाल कम्युनिष्ट पार्टी (नेकपा) को बैंक खाता रोक्का हुने भएको छ ।
पार्टीभित्र बिवाद रहेको र सम्पत्तिमा कसको हक लाग्ने भन्ने यकिन नभएको भन्दै तत्काल खाताहरु रोक्का गर्न प्रचण्ड- नेपाल समुहले पत्राचार गरेपछि जुनजुन बैंकमा खाता रहेका छन्, ति सबै बैंक खाता रोक्का हुने भएको हो । निर्वाचन आयोगको निर्णय नआउञ्जेलसम्म दुबै पक्षले खाता सञ्चालन गर्न नपाउने गरी रोक्का हुने राष्ट्र बैंकका एक अधिकारीले जानकारी दिए ।
पुष्पकमल दाहाल ‘प्रचण्ड’ र माधव नेपालले हस्ताक्षर गरेर बैंकहरुलाई पत्राचार गरेका थिए । हाल नेकपाको तीन अर्ब रुपैयाँ भन्दा धेरै रकम बैंकमा जम्मा भएको जानकारहरु बताउछन्। नेकपाको काठमाडौं उपत्याका भित्रै अर्बौ रुपैयाँका ५ वटा भवन रहेका छन्। नेकपाको नयाँ दिल्लीमा पनि जग्गा रहेको छ। तत्कालिन एमालको ६६ जिल्लामा र माओवादीको १२ वटा जिल्लामा कार्यालय रहेको छ।
