२० पुस, काठमाडौँ ।
सवारी ज्यान मुद्दाको केस मिलाइदिने भन्दै १५ हजार रुपैयाँ घूस लिएको कसुरमा महानगरीय प्रहरी वृत्त थानकोटका निरीक्षक (इन्स्पेक्टर) गायत्रीराज शर्मा परिसर तानिएका छन् । महानगरीय प्रहरी कार्यालयका एआइजी हरिबहादुर पालका अनुसार उनलाई परिसरमा राखेर अनुसन्धान भइरहेकोले छ।
३ वर्षअघि मात्रै प्रहरी सेवा प्रवेश गरेका शर्मा थानकोट वृत्तको मुद्दा शाखामा कार्यरत थिए । मंसिर २६ गते साँझ चन्द्रागिरि नगरपालिका–१५, ढुंगे अड्डामा प्रदेश २–०३–००१–ख १४२० नम्बरको गाडीको ठक्करबाट ३ जनाको ज्यान गएको थियो भने ६ वटा अन्य सवारीमा क्षति पुगेको थियो । दुर्घटना गराउने बसका चालक मकवानपुर र भएका रामबहादुर रखल मगरलाई छुटाउन बस समितिले घूस दिएको पनि खुलेको छ । दुर्घटना भएको लामो समयसम्म पनि मुद्दा अल्झाएर घूस मोलमोलाई गरेको उजुरी परेपछि परिसर र महानगरीय प्रहरी कार्यालयले उनीमाथी निगरानी बढाएको थियो । त्यसपछि अनुसन्धान गर्दा १५ हजार घूस लिएको पाइएपछि शर्मालाई जिम्म्वोरी मूक्त गरेर थप अनुसन्धान अघि बढाइएको एआइजी पालले बताए ।
पछिल्लो १ साताको अवधिमा २ जना सई र १ जना जवानलाई निलम्बन र २ महिला प्रहरीलाई आचरणविपरीत काम गरेको कसुरमा नसियत दिइएको एआइजी पालले बताए ।
