एकता दिवस मनाउन मनिषादेखि रमेश खरेलसम्मको आग्रह

२१ पुस, काठमाडाैँ ।
पुस २७ गते राष्ट्रिय एकता दिवस मनाउन विभिन्न क्षेत्रका व्यक्तिहरुले आग्रह गरेका छन् ।

काठमाडौंमा पत्रकार सम्मेलन गर्दै पूर्व प्रधान सेनापति रुक्मांगत कटुवाल, चर्चित अभिनेत्री मनिषा कोइराला, नेपाल प्रहरीका पूर्व नायब महानिरिक्षक रमेश खरेल लगायतले राष्ट्रिय एकता दिवस भव्यताका साथ मनाउन आग्रह गरेका हुन् ।

राष्ट्रिय एकता दिवस नेपाल देशको पहिचान र भाषा÷संस्कृतिसँग महत्वपूर्ण सम्बन्ध राख्ने भन्दै अगुवाहरुले दिवस मनाउन आग्रह गरेका हुन् । उनीहरुले पुस २७ गते दिउसो सिंहदराबर अगाडि रहेको पृथ्वी नारायण शाहको शालिक अगाडि भेला हुन आग्रह गरेका छन् ।