२४ पुस, काठमाडौं।
प्रधानमन्त्री केपी शर्मा ओलीले सरकारले संविधान बमोजिम नै संसद विघटन सिफारिस गरेको बताएका छन् । नेकपा अध्यक्षसमेत रहेका प्रधानमन्त्री ओलीले धनगढीमा शुक्रबार भएकोमा आमसलाई सम्बोधन गर्दै यस्ताे बताएका हुन्
उनले संसद विघटनलाई असंवैधानिक भन्नेहरुलाई संविधान पढ्न आग्रह गरे। उनले भने, ‘प्रतिनिधिसभा विघटन असंवैधानिक छ भनेर हल्ला चलाइरहेकाहरुलाई एक पटक संविधान पढ्न आग्रह गर्न चाहन्छु ।’
‘६४ प्रतिशतको प्रतिनिधित्व गर्ने सर्वसम्मत प्रधानमन्त्री म हो । मैले देशको समय बर्बाद हुने भयो, देशका लागि काम गर्न दिएनन् । म ताजा जनादेशमा जान चाहन्छु भनेर सिफारिस गरेँ,’ उनले अघि भने, ‘६४ प्रतिशतको नेता म हो, अर्को विकल्प छैन संसदमा । विकल्प नभएपछि प्रतिनिधिसभा पुनर्स्थापना संवैधानिक, व्यवहारिक, अन्तर्राष्ट्रिय प्रचलन कुनै हिसावले हुन्न ।’
प्रधानमन्त्रीले तोकिएको समयमा नै प्रतिनिधि सभाको निर्वाचन हुने प्रष्ट पारे । आफूले चुनाव लडेर तत्कालिन नेकपा एमालेको अध्यक्ष भएको स्मरण गराउँदै छलछाम गरेर अध्यक्ष नभएको उल्लेख गरे।
