काठमाडौं: राजधानीको मुटु मानिने भूगोलपार्कमा स्थापना गर्न लागिएको पूर्वराजा नरेन्द्र देव, तान्त्रिक बन्धुदत्त आचार्य र रथचक्र ललित ज्यापूको मूर्ति हाल प्रतिस्थापन नगर्न सर्वोच्च अदालतले सरकारको नाममा अन्तरिम आदेश दिएको छ ।
ती तीन महापुरुषको पुरानो मूर्तिसँग हाल बनाउन खोजिएको मूर्ति नमिल्दो देखिएको आशय व्यक्त गर्दै सर्वोच्चका न्यायाधीश टंकबहादुर मोक्तानको इजलासले हाल ती मूर्तिलाई प्रतिस्थापन नगर्न अन्तरिम आदेश दिएको हो ।
काठमाडौं महानगरपालिका–२२ स्थित भूगोलपार्क सुधार समितिको २०७५ साल माघ २ गते बैठकले भूगोलपार्कमा रातो मत्स्येन्द्रनाथलाई लिन गएका भनिएका टोलीसहितको महामञ्जुश्रीको मूर्तिसमेत राख्ने निर्णय गरेको थियो । सो मूर्ति राख्न सांसद विकास कोष र महानगरपालिकाको खर्चमा गर्ने भनी निर्णय भएको थियो ।,यो खबर आजको नेपाल समाचारपत्र दैनिकमा छापिएको छ ।
