६ माघ, बिराटनगर।
जिल्ला प्रहरी कार्यालय मोरङमा कार्यरत प्रहरी निरीक्षक पपु नायक पौष महिनाको सर्वाेत्कृष्ट प्रहरी घोषित भएका छन् ।
विभागिय मुल्य मान्यता, आदेश निर्देशनको पालना गरी व्यवसायिक ,लगनशील र कर्तव्यनिष्ठ तवरले कर्तव्य पथमा तल्लीन रही उच्च मनोवल र साहसका साथ आफ्नो कर्तब्यनिर्वाह गरी अपराध अनुसन्धानको क्षेत्रमाविशेष योगदान र्पुयाउनुको साथै चोरी, अवैध लागु औषध कारोबारी लगायत विभिन्न अपराधिक घटनाका फरार प्रतिवादी पक्राउ तथा कानूनी कारवाहीको दायरामा ल्याउन महत्वपूर्ण भुमिका निर्वाह गर्नुका साथै आम नागरिकहरुमा सुरक्षाको अनुभूति हुने गरी नागरिक समक्ष प्रहरीको छवि उच्च बनाउने काम गरेको भन्दै प्रहरी निरीक्षक नायकलाई पौष महिनाको सर्वाेत्कृष्ट प्रहरी घोषणा गरिएको प्रदेश १ प्रहरीले जनाएको छ ।
प्रहरी कर्मचारीहरुको मनोवल उच्च बनाउने तथा सम्पादित कार्यको उचित मूल्याङकन गर्दै १ नम्बर प्रदेश प्रहरी कार्यालय विराटनगरले १ नम्बर प्रदेशभरिका प्रहरी कर्मचारीहरु मध्येबाट प्रत्येक महिना सर्वाेत्कृष्ट प्रहरी छनौट गर्दै आएको छ । यसरी सर्वाेत्कृष्ट हुने प्रहरी कर्मचारीलाई पुरस्कृत गरी १ नम्बर प्रदेश भरिका प्रहरी कार्यालयहरुमा १ महिना सम्म उनको तस्वीर राखिदै आईएको छ ।
