१८ माघ, काठमाडौं । संसद विघटनको विरोधमा आज आइतबार माइतीघरमा जारी धर्नामा नेकपा अध्यक्ष पुष्पकमल दाहाल प्रचण्ड र माधव नेपाल पनि सहभागी भएका छन् ।
धर्नामा नारायणकाजी श्रेष्ठ, अष्टलक्ष्मी शाक्य, पम्फा भुसाल लगायतका नेताहरु पनि सहभागी छन् ।
संसद विघटन असंवैधानिक भएको भन्दै प्रचण्ड–माधव समूहले यही माघ १४ गतेदेखि माइतीघरमा धर्ना दिँदै आएको छ । धर्नामा प्रतिनिधिसभा, राष्ट्रियसभा, प्रदेशसभा र संविधानसभाका सदस्यहरु सहभागी छन् ।
गत बुधबारदेखि शुरु भएको धर्ना शनिबार बाहेक माघ २१ गतेसम्म प्रत्येक दिन २ घण्टा बस्ने तय भएको छ । दाहाल–नेपाल समुहले माघ २८ गते काठमाडौंमा आयोजना गर्न लागेको बृहत शक्ति प्रदर्शनअघि माइतीघरमा धर्ना जारी राखेको हो ।
धर्नामा सहभागीहरुले संविधानको रक्षा गर्न र जनतालाई संविधानको रक्षाको निम्ति आउने विश्वासका साथ धर्नामा बसेको बताएका छन् ।
दाहाल–नेपाल समुहले प्रतिनिधि सभा विघटनको विरोधमा देशव्यापी विरोध कार्यक्रम गर्दै आएको छ ।
