आजका प्रमुख खबरहरुः
१.(विघटनको कारण)
प्रधानमन्त्रीको खुट्टा बाँधिदिएपछि प्रतिनिधिसभा बाध्यताले विघटन गर्नुपरेको र विघटन संविधानसम्मत भएको महान्यायाधिवक्ता अग्नि खरेलको तर्क/विगतमा प्रतिनिधिसभा विघटनपछि पनि चुनाव नभएको, अरबौँ रुपैयाँ खर्च भएको न्यायाधीश सिन्हाको दाबी ।
२.(धरापमा नियुक्ति)
प्रधानन्यायाधीश चोलेन्द्र समशेर जबराको असहमतिका कारण संवैधानिक परिषद्को बैठक स्थगित/ सभामुखले संवैधानिक परिषद्को बैठकको निर्णय फिर्ता पठाएपछि ११ वटा संवैधानिक आयोगहरुमा गर्न खोजिएको ३८ पदाधिकारीको नियुक्ति धरापमा ।
३.(अवहेलनाको पेशी)
नेकपा प्रचण्ड–नेपाल समूहका अध्यक्ष पुष्पकमल दाहालविरुद्ध सर्वोच्च अदालतमा परेको अदालतको अवहेलना मुद्दाको आजको पेशी सर्यो /न्यायाधीश मनोज शर्माको इजलासमा पेशी तोकिए पनि हेर्न नभ्याइएको सर्वोच्च अदालतको भनाई ।
४.(आधिकारिताको खोजी)
नेकपा दाहाल–नेपाल पक्षद्वारा निर्वाचन आयोगमा फेरि पार्टीको आधिकारिकता दाबी/दल विवादको निरुपण नभई कुनैपनि चुनाव सम्पन्न हुन नसक्ने भन्दै दलको विवाद समाधान गर्नु निर्वाचन आयोगको प्राथमिकता रहेको झलनाथ खनालको भनाइ ।
५.(के खिचडी पाक्दैछ ?)
खानेपानी मन्त्री मणिचन्द्र थापाद्वारा नख्खु कारागारमा रहेका विप्लव समूहका नेता हेमन्तप्रकाश वलीसंग भेट /वलीसँग कारागार व्यवस्थापन र सुधारका विषयमा मात्रै कुराकानी भएको मन्त्री थापाको दाबी ।
६.(केसीको सरोकार)
२० औं पटक आमरण अनसन बस्ने डा.गोविन्द केसीको घोषणा/संविधानको रक्षा र संवैधानिक निकायहरुमा नियुक्तिका लागि गरिएको सिफारिस रद्द गर्नुपर्ने दुई बुँदे माघ अघि सार्दै फागुन १२ गतेदेखि सत्याग्रह गर्ने ।
७.(आन्दोलनमा मोर्चाबन्दी)
देशलाई गृहयुद्धबाट बचाउन र सरकारको प्रतिगमन कदमविरुद्ध अन्य दलसँग सहकार्य गरेर आन्दोलनमा जान आफूहरू तयार रहेको जसपाका अध्यक्ष डाक्टर बाबुराम भट्टराईको भनाई /देशलाई गम्भीर दुर्घटनाको दिशामा लैजान केपी ओलीको समूह लागेको आरोप ।
८.(कसरी चलाउनु व्यवसाय ?)
सहज ढंगले व्यवसाय गर्ने वातावरण बनाइदिन माग गर्दै कारोना महामारीबाट पीडित विभिन्न पेसा तथा व्यवसायीहरु संघर्षमा उत्रिए/ बैंकको अन्याय अत्याचार बढेको भन्दै मौद्रिक नीति सबैमा समान प्रकारले लागू गर्नुपर्ने माग ।
९.(संक्रमणको अवस्था)
नेपालमा आज थपिए १ सय ७१ कोरोना संक्रमित / आजै २ सय ५९ जना डिस्चार्ज /देशभर हाल सक्रिय संक्रमित २ हजार ४ सय जना रहँदा संक्रमणबाट ज्यान गुमाउनेको संख्या २०३० पुग्यो ।
१०.(कीर्तिमानी सत्यमोहन)
हुलाक टिकट प्रकाशनको इतिहासमा आफ्नो जीवनकालमै हुलाक टिकट प्रकाशन हुने सामाजिक व्यक्तित्वका रूपमा पहिलो व्यक्ति बने सत्यमोहन जोशी /राष्ट्रपति विद्यादेवी भण्डारीद्वारा जोशीको तस्बिर अङ्कित हुलाक टिकटको आवरणमा टाँचा प्रदान ।
११.(विद्युतमा नियमन)
नेपाल विद्युत् प्राधिकरणद्वारा विद्युत् चुहावट नियन्त्रण र सेवा प्रवाहमा सुधार ल्याउन वितरण केन्द्र प्रमुखसँग कार्यसम्पादन सम्झौता गर्न सुरु/कार्यसम्पादनको हरेक चार,चार महिनामा मूल्याङ्कन गरी पुरस्कार र दण्ड दिने व्यवस्था ।
१२.(औचित्यहीन विरोध)
कमल पोखरी निर्माण कार्य गुरुयोजना अनुरुप नै भएकोले बिरोध गर्नुपर्ने कारण नभएको काठमाडौँ महानगरपालिकाको भनाई /पोखरीको जग्गामा अनाधिकृत बनाइएको स्पोर्टस् क्लव र राधेराधेको भवन हटाइएको प्रमुख प्रशासकीय अधिकृत राजेश्वर ज्ञवालीको दाबी ।
१३.(ओलीको खेल मन्त्र)
अन्तराष्ट्रिय खेलकुद प्रतियोगितामा सहभागी हुने खेलाडी छनौट गर्दा पक्षधरता बिना छनौट गर्न राष्ट्रिय खेलकुद परिषद्लाई प्रधानमन्त्री ओलीको सुझाव/नेपाल कहिले पनि नहारेको देश रहेकाले खेल पनि जीतका लागि खेल्न आग्रह ।
१४.(वालिङ निराश)
राष्ट्रिय महिला लिगमा आज स्याङ्जाको वालिङ नगरपालिकाले चन्द्रपुर नगरपालिकालाई ३–० ले हरायो /जितसँगै वालिङ ६ खेलमा आठ अंक जोडेर चौथो स्थानमा रहँदा पाँच हार ब्यहोरेको चन्द्रपुर ३ अंकसहित छैटौँ स्थानमा ।
र,
१५.(विश्वमा आज)
सन् २०२१ मा प्रजातन्त्रसम्बन्धी शिखर सम्मेलन गर्ने अमेरिकाको तयारी/म्यानमारमा प्रतिबन्ध लगाउने चेतावनी/ अमेरिकामा अत्याधिक हिमपात/चीनमा कोरोनाभाइरसको नक्कली खोप बनाउने ८० जना पक्राउ /कोरोनाका कारण जापानमा संकटकाल लम्ब्याउने तयारी ।
