२१ माघ, काठमाडौं ।
अख्तियार दुरुपयोग अनुसन्धान आयोगका आयुक्त गणेशराज जोशीले राजीनामा दिएका छन् ।
नविनकुमार घिमिरेले अवकाश पाएपछि कार्यबाहक प्रमुख आयुक्तको जिम्मेवारीमा रहेका जोशीले प्रमुख आयुक्त र दुई आयुक्त नियुक्त भएकै दिन राजीनामा दिएका हुन् ।
यसअघि बुधबार विहान मात्र राष्ट्रपति विद्यादेवी भण्डारीले प्रेमकुमार राईलाई अख्तियारको प्रमुख आयुक्त तथा किशोरकुमार सिलवाल र जयबहादुर चन्दलाई आयुक्त नियुक्त गरेकी थिइन् ।
प्रमुख आयुक्त राईले बुधबार नै पदभार सम्हालिसकेका छन् ।
