२२ माघ, महोत्तरी । महोत्तरीको जलेश्वर–जनकपुर सडकखण्ड परिकौली चोकबाट मधेश आन्दोलनका दुई शहीदका सालिक चोरी भएको छ ।
२०७२र०७३ मा भएको आन्दोलनका क्रममा महोत्तरीमा सुरक्षाकर्मीको गोली लागि शहीद भएका जलेश्वर नगरपालिका–११ का वीरेन्द्र विच्छा र वडा नम्बर ९ का राजेश ठाकुरको सालिक चोरी भएको जिल्ला प्रहरी कार्यालय महोत्तरीका प्रहरी नायब उपरीक्षक (डीएसपी) प्रकाश विष्टले बताए ।
वडा नं ११ र वडा नं ९ को साझा चोकको रूपमा रहेको परिकौली चोकमा ५र७ फिट अग्लो बुर्जामाथि राखिएको दुवै जनाको सालिक हराएको वडा नं ९ का वडाध्यक्ष रवीन्द्र यादवले बताए ।
हराएका सालिक खोज्न टोली परिचालन गरिएको जिल्ला प्रहरी कार्यालय महोत्तरीका प्रहरी उपरीक्षक (एसपी) टीकाबहादुर केसीले बताए ।
