६ फागुन, काठमाडौँ ।
प्रतिनिधिसभा विघटनविरुद्धको मुद्दामा चयन पाँच एमिकस क्युरीमध्ये आजसम्म चार जनाले आफ्नो राय दिएका छन् ।
सर्वोच्च अदालतको संवैधानिक इजलासमा निरन्तर सुनुवाई भइरहेको सो मुद्दामा आजसम्म वरिष्ठ अधिवक्ताहरू बद्रीबहादुर कार्की, सतीशकृष्ण खरेल, विजयकान्त मैनाली र पूर्णमान शाक्यले आफ्नो राय दिएका हुन् ।
आजको इजलासमा एमिकस क्युरीमा चयन वरिष्ठ अधिवक्ता पूर्णमान शाक्यले संविधानमा संसदले सरकार दिन नसके स्वतः संसद् विघटन हुन सक्ने प्रावधान भएपनि प्रधानमन्त्रीले सोझै विघटन गर्ने व्यवस्था नभएको बताए ।
एमिकस क्युरीमा रहनु भएका ५ मध्ये आजसम्म चार जना वरिष्ठ अधिवक्ताले आफ्नो राय दिइसकेका छन् भने एक जनाले राय दिन बाँकी छ ।
