९ फागुन, मोरङ । मोरङको उर्लाबारीमा ट्रकको ठक्करबाट स्कुटरमा सवार दुई जनाको मृत्यु भएको छ ।
उर्लाबारी नगरपालिका ८ का २३ बर्षीय प्रदिप धामी र सोही स्थान बस्ने २२ बर्षीय सुदिप भुजेलको ट्रकको ठक्करबाट मृत्यु भएको हो ।
शनिबार बेलुकी साढे ७ बजे उर्लाबारी नगरपालिका-४ स्थित पुर्व-पश्चिम राजमार्गमा प्र १-०१-००१ क १०३५ नम्बरको ट्रकले बिपरित दिशाबाट आउँदै गरेको को ३१ प ५१ नम्बरको स्कुटरलाई ठक्कर दिँदा स्कुटरमा सवार प्रदिप धामी र सुदिप भुजेल गम्भिर घाइते भएका थिए ।
घाइते दुवैको अरनिको अस्पताल उर्लाबारीमा उपचारको क्रममा रातको सवा ८ बजे मृत्यु भएको ईलाका प्रहरी कार्यालय उर्लाबारीले जनाएको छ ।
ट्रक र ट्रक चालक झापा कमल गाउँपालिका बस्ने भिम बहादुर दाहाल नियन्त्रणमा रहेको उक्त कार्यालयले जनाएको छ ।
