११ फागुन, काठमाडाैँ ।
प्रधानमन्त्री केपी शर्मा ओलीले संसद पुनस्र्थापना भए देशमा अस्थिरता आउने कुरा अदालतलाई स्पष्टसँग थाहा भएको बताएका छन् । नेपाल कम्युनिष्ट पार्टी (नेकपा) ओली समूह निकट राष्ट्रिय युवा संघ नेपालको केन्द्रीय कमिटीको पूर्ण बैठकलाई मंगलबार काठमाडौमा सम्बोधन गर्दै प्रधानमन्त्री ओलीले प्रतिनिधि सभा पुनस्र्थापना भएमा मुलुकमा अस्थिरता आउने दाबी गरे ।
संसद पुनस्र्थापना भएमा प्रचण्ड र माधव नेपाल हल बाँधेर प्रधानमन्त्री खोज्न हिंडनुपर्ने अवस्था आउने बताए । दक्षिण र उत्तर तिर प्रधानमन्त्री नपाएपछि अन्तिममा आफैसँग प्रधानमन्त्री खोज्न आइपुग्ने पनि बताए । उनले भने ‘पुनस्थापना भयो भने के हुन्छ ? अदालतलाई थाहा छैन ? पुनस्थापना भयो भने यहाँ प्रचण्डजी विचरा, कथमकदाचित मानौं एकैछिन पुनस्थापना भयो के हुन्छ भन्दा प्रचण्डजी र माधव नेपालजी हल बाँधेर प्रधानमन्त्री खोज्न हिंडनुहुन्छ । कहिले उत्तरतिर लाग्नुहुन्छ, कहिले दक्षिणतिर लाग्नुहुन्छ । प्रधानमन्त्री भइदिनुस है त्यति मान्दिनुस न भन्नुहुन्छ । उहाँहरुको चान्स छ ? एक प्रतिशत मात्रै होइन की एक भन्दा तल तल तल कति हुन्छ त्यति पनि छैन । उहाँहरुले लडाईं जित्नुभयो भने प्रधानमन्त्री खोज्दै हिंडनुपर्ने हो । खोज्दै हिंडेर अन्तिममा मै कहा आइपुग्न बेर छैन ।’
प्रधानमन्त्री ओलीले प्रचण्ड माधव समूहले बहुमतको पार्टी फुटाएर आफ्नो प्रधानमन्त्री हटाएर अर्को प्रधानमन्त्री ओज्दै हिंडने खेमा लागेको आरोप लगाए । यस्तो अस्थिरता तर्फ अदालतले जान दिन्छ भनेर आफूलाई विश्वास नरहेको पनि प्रधानमन्त्री ओलीले बताए । उनले भने ‘के को लडाई लडदै हुनुहुन्छ उहाँहरु । बहुमतको पार्टी फुटाउने, आफ्नो प्रधानमन्त्री हटाउने अनि प्रधानमन्त्री खोज्न हिंडने त्यही होइन उहाँहरुको प्रयास । त्यस्तो अस्थिरतातर्फ अदालतले जान दिन्छ होला भनेर म कसरी विश्वास गर्छु ।’
संसदीय व्यवस्था भएका कुनैपनि मुलुकमा बहुमतको प्रधानमन्त्रीले सरकार चलाउन नसकेमा संसद विघटन गर्नुको विकल्प नहुने समेत बताए । उनले भने ‘बहुमतको प्रधानमन्त्रीले चलाउने वातावरण रहेन भने संसद विघटन गर्छ । अर्को विकल्प छैन । किनभने ६४ प्रतिशतको प्रतिनिधित्व मैले गर्छु । ६४ प्रतिशतले सरकार चलाउन्न भनेपछि ३६ प्रतिशतले बहुमत पु¥याउँछ त कहिल्यै ।’ प्रधानमन्त्री ओलीले समयमा चुनाव हुने भन्दै अन्य भ्रममा नपर्न आग्रह समेत गरे ।
