२२ फागुन, काठमाडौं । सार्वजनिक कार्यक्रममा सधै मजाकि भावमा प्रस्तुत हुने प्रधानमन्त्रीले मेलम्चीको पानी काठमाण्डौ आइपुगेको अवशरमा आयोजित कार्यक्रमलाई पनि छोडेनन् ।
कार्यक्रममा प्रधानमन्त्री ओलीले प्रचण्ड माधव पक्षलाई ब्यङ्गय कस्दै भने, ‘यो खुसीको दिन हो । जतिबेर पायो, त्यतिबेर लड्डु खाने होइन । यस्तो बेलामा खाने हो ।’ सर्वोच्च अदालतले प्रतिनिधिसभा विघटनलाई बदर गरेको दिन खुसी साट्दै लड्डु खाएका थिए । अर्को एक प्रसंगमा मेलम्ची आयोजनाको कुरा चल्दा आफ्नो कपाल कालै रहेको, तर काम सम्पन्न हुँदा कतै कालो बाँकी नरहेको बताए । प्रधानमन्त्री ओलीले मेलम्ची खानेपानी आयोजनमा कुनै दुर्घटना नहुनेगरी काम अगाडी बढाउन पनि निर्देशन दिए । उनले काठमाडौँमा पानी झरेको भन्दै केही दिनमा धारामा पानी वितरण गरिने पनि बताए । प्रधानमन्त्री ओलीले काठमाडौंलाई पानी दिएकोमा मेलम्ची, हेलम्बु र सिन्धुपाल्चोक बासीलाई धन्यवाद दिए ।
