२९ फागुन, काठमाडौं।
नेकपा (एमाले) को बाग्मती प्रदेशका नवनियुक्त ईन्चार्ज रामबहादुर थापा ‘बादल’ ले आजबाट कार्यभार सम्हालेका छन् ।
आज बादलले बाग्मती प्रदेश कार्यालय च्यासल, ललितपुरमा प्रदेश इन्चार्जको कार्यभार सम्हालेका हुन् । उक्त अवसरमा बाग्मती प्रदेशका मुख्यमन्त्री डोरमणि पौडेल, अर्थमन्त्री विष्णु पौडेल, आनन्द पोखरेलको सहभागिता रहेको थियो ।
हिजो बसेको एमालेको ओली पक्षको केन्द्रीय कमिटीले गृहमन्त्री समेत रहेका बादललाई उक्त जिम्मेवारी दिएको थियो ।
