एजेन्सी । अफ्रिकी देश नाइजरमा हतियारधारीको आक्रमणमा परि ५८ जनाको मृत्यु भएको छ ।
अर्को देश मालीसँगको सीमा क्षेत्रमा मंगलबार भएको आक्रमणमा ५८ भन्दा बढि मारिएका नाइजर सरकारले जनाएको हो । तिलाबेरी क्षेत्रको बजारबाट चारवटा गाडीमा आउँदै गरेका नागरिकलाई लक्षित गरी बन्दुकधारीले अन्धाधुन्ध गोली चलाएको बिबिसीले लेखेको छ । अहिलेसम्म आक्रमणको कुनै पनि समूहले जिम्मेवारी लिएको छैन । अफ्रिकी मुलुक नाइजरमा अहिले दुई वटा विद्रोही समूह सक्रिय छन् ।
