१ असार, रसुवा । दुई दिनदेखिको वर्षाको कारण पासाङ ल्हामु मार्गको रसुवा खण्ड ठप्प भएको छ ।
पासाङ ल्हामु मार्ग अन्तर्गत राम्चे–धुन्चे सडकखण्डको मुलखर्कमा ढुङ्गा झरेको जिल्ला प्रहरी कार्यालय रसुवाले जनाएको छ ।
यस्तै धुन्चे–स्याफ्रु सडकखण्ड अन्तर्गत त्रिशूली खोला, सानो भार्खु, स्याफ्रु तथा स्याफ्रु रसुवागढी सडकखण्ड अन्तर्गत तातोपानीमा पनि पहिरोका कारण सडक बन्द भएको छ ।
सडक खुलाउनका लागि प्रयास भइरहेको प्रहरी नायब उपरीक्षक देवेन्द्र पाण्डेले बताए ।
