१८ असार, गोरखा ।
गोरखा र तनहुँ जोड्ने झोलुङ्गे पुल मर्स्याङ्दी नदीमा आएको बाढीले भत्काएको छ ।
पुल भत्किएपछि आवत–जावत बन्द भएको छ । गोरखा नगरपालिका–१४ गौप्लिङ र तनहुँको आँबुखैरनी–२ एक्ले फाँट जोड्ने झोलुङ्गे पुल भत्किएको हो । तनहुँतर्फको भाग भत्किएर झोलुङ्गे पुलको केही भाग नदीमा डुबेको छ ।
गोरखा नगरपालिका वडा नम्बर १४ का वडाध्यक्ष रामबहादुर खड्काले पुल भत्किएका कारण आउ–जाउ बन्द भएको जानकारी दिए ।
यसैगरी गोरखाको पालुङटार नगरपालिका वडा नम्बर २ स्थित ढुन्डुरे खोलाले मोटरेवल पुलको दुवै तर्फ कटान गरेकाले सो पुल जोखिममा परेको छ ।
