मोरङ, असार १८
ईलाका प्रहरी कार्यालय रानीले आइतबार दुई लाख चौतीस हजार एक सय दश रुपैया बराबरको अवैध सामान बरामद गरी भन्सार बुझाएको छ ।सो कार्यालयबाट परिचालन भएको टोलीले विराटनगर–१५ महेन्द्र चौक तथा विराटनगर–१४ जानकी मन्दिर चौकबाट भन्सार छली गरी ल्याउँदै गरेका सामान बरामद गरी भन्सार बुझाइएको उक्त कार्यालयले जनाएको छ।
त्यसैगरी प्रहरीले विराटनगर–१७ मटेरुवाबाट भारततर्फ चोरी छिपाई लैजादै गरेको १५ किलो मरिचसहित को २ प ९४५८ नम्बरको मोटरसाइकल समेत नियन्त्रणमा लिइएको जनाएको छ।
यता जिल्ला प्रहरी कार्यालय मोरङले भारत जोगबनीबाट भन्सार छली गरी ल्याएको तीस हजार मूल्य बराबरको रेडिमेड कुर्तासुरुवालसहित एक थान साइकल सिआरभि बरगाछीको टोलीले आइतबार बरामद गरेका छ ।
