२९ असार, काठमाडौँ ।
नेकपा माओवादी केन्द्रको तर्फबाट जनार्दन शर्मा र पम्फा भुसाल मन्त्री बन्ने भएका छन् ।
नेपाली काँग्रेस सभापति तथा नवनियुक्त प्रधानमन्त्री शेरबहादुर देउवासँग माओवादी केन्द्रका अध्यक्ष पुष्पकमल दाहाल ‘प्रचण्ड’को छलफलपछि पहिलो चरणमा भुसाल र शर्मा मन्त्री बन्ने पक्का भएको हो । स्रोतका अनुसार शर्मालाई अर्थ र भुसाललाई ऊर्जा, सिँचाई तथा जलस्रोत मन्त्रालयको जिम्मेवारी दिइने तयारी छ ।
नवनियुक्त प्रधानमन्त्री देउवाले आजै साँझ ६ बजे प्रधानमन्त्रीको पद तथा गोपनियताको शपथ लिँदैछन् । शपथ लिएलगत्तै देउवाले सानो आकारको मन्त्रिपरिषद् विस्तार गर्ने तयारी गरेका छन् ।
