१३ साउन, काठमाडौं ।
टोकियो ओलम्पिकमा नेपाली राष्ट्रिय पौडी खेलाडी गौरिका सिंहले १०० मिटर फ्रि–स्टाइलमा राष्ट्रिय कीर्तिमान बनाएकी छन् । बुधबार भएको महिला १०० मिटर फ्रि– स्टाइकलो पहिलो हिटमा तेस्रो बनेकी गौरिकाले निर्धारित दूरी १ मिनेट ०.११ सेकेन्डमामा पूरा गरिन् । उनले २०१९ मा बनाएको आफ्नै कीर्तिमान सुधारेकी हुन् । गौरिकाले सन् २०१९ मा दक्षिण कोरियामा भएको १८ औं फिना वल्र्ड च्याम्पियनसिपमा १ मिनेट ०.६२सेकेण्डको समय निकाल्दै राष्ट्रिय कीर्तिमान बनाएकी थिइन् ।
त्यसयता निरन्तर प्रशिक्षणमा रहेकी उनले युनिभार्सालिटि प्लेसेसको आधारमा लगातार दोस्रोपटक प्रतिस्पर्धा गर्ने अवसर पाएकी हुन् । समग्रमा ५१ खेलाडी रहेको यस स्पर्धाबाट शीर्ष १६ खेलाडीले सेमिफाइनलमा स्थान बनाउनेछन् । गौरिकाको अर्को चरणमा पुग्ने सम्भावना समाप्त भइसकेको छ ।
गौरिकाले २०१९ मा नेपालमै भएको १३ औं दक्षिण एसियाली खेलकुदमा भने कीर्तिमानी चार स्वर्ण पदकसँगै २ रजत र ३ कांस्य जितेकी थिइन् ।
ब्राजिलमा भएको ओलम्पिकको अघिल्लो संस्करणकी सबैभन्दा कान्छी खेलाडी बनेर विश्वभर चर्चा कमाएकी गौरिकाले आफ्नो हिटमा प्रथम स्थान हासिल गरेकी थिइन् ।
