१५ साउन, काठमाडौं ।
नेकपा एमाले केन्द्रीय कार्यलयमा आज खीर खुवाउने भएको छ । साउन १५ को अवसरमा एमालले पार्टी कार्यालय थापाथलीमा दिउँसो २ बजेबाट ३ बजेसम्म खीर खुवाउन लागेको हो ।
उक्त कार्यक्रममा एमाले पदाधिकारी तथा पत्रकारहरुलाई खीर खान आउन निमन्त्रणा गरिएको बताइएको छ । सो कार्यक्रममा वरिष्ठ नेता माधवकुमार नेपालपक्ष भने नजाने भएका छन्। खीर खाने कार्यक्रम राखिएपनि आफूहरुलाई थाहा नभएकाले नजाने केन्द्रीय सदस्य निरज आचार्यले बताए।
नेपाली परम्परा अनुसार साउन १५ मा दही चिउरा खाने प्रचलन रही आएको छ । किसानहरुले धान रोपिसकेपछि फुर्सदको समयमा खीर खाने चलन छ ।
