१४ साउन, काठमाडौं ।
नेकपा माओवादी केन्द्रले सरकार सञ्चालनका लागि न्यूनतम साझा कार्यक्रम,आचारसंहिता र संयुक्त संयन्त्र बनाउने प्रस्ताव गरेको छ ।
शुक्रबार बसेको प्रतिनिधिसभाको बैठकमा विशेष समय लिएर बोल्दै नेकपा माओवादी केन्द्रका स्थायी समिति सदस्य गिरिराजमणि पोखरेलले सत्ता गठबन्धनका तर्फबाट साझा कार्यक्रम र आचारसंहिता समेत बनाएर जानुपर्ने बताए ।
उनले भने ‘एउटा न्यूनतम साझा कार्यक्रम, न्यूनतम साझा आचारसंहिता र सरकार सञ्चालनका लागि एउटा संयुक्त संयन्त्र निर्माण गरेर चाँडोभन्दा चाँडो अगाडि बढौं । यतिखेर लोक(वाम प्रजातान्त्रिक एकताको एउटा माहोल बनेको छ। यसलाई अझ व्यवस्थित गरौं ।’
उनले २०७२ सालमा संविधान जारी भए लगत्तै अवलम्बन गर्नुपर्ने त्यो बाटो थियो भन्दै भने–‘कतै कमीहरु भए । नयाँ परिस्थिति आएको छ, फेरि एक पटक व्यवस्थित गरेर लैजानुपर्ने आवश्यकता छ ।’
