मोरङ, असार २२
मोरङको कानेपोखरी गाउँपालिका ३ स्थित राजगंजमा नहरमा डुबेर एक बालकको ज्यान गएको छ ।
कानेपोखरी गाउँपालिका ३ बस्ने सेल्टु ऋषीदेवको ३ बर्षिय छोरा राजकुमार ऋषीदेवको घर नजिकै रहेको नहरमा खेल्ने क्रममा डुबेर बिहीबार दिउँसो मृत्यु भएको प्रहरी चौकी रमाईलोले जनाएको छ ।
घटनास्थलमा इलाका प्रहरी कार्यालय पथरीबाट प्रहरीको टोली खटिगई कानूनी प्रकृया पुरा गरिएको उक्त कार्यालयले जनाएको छ ।
