२० साउन, काठमाडौं ।
नेपाल रेल्बे कम्पनी लिमिटेडका महाप्रबन्धक गुरु प्रसाद भट्टराईले आफुलाई स्पष्टिकरण लिन र पदबाट बर्खास्त गर्न प्रचण्ड र माधव कुमार नेपालको दवाब रहेको बताएका छन् । मंगलबार बसेको मन्त्रिपरिषद् बैठकले स्पष्टिकरण सोध्ने निर्णय गरेपछि उनले यस्तो बताएका हुन् ।
‘मलाइ स्पष्टिकरण लिन र पदबाट बर्खास्त गर्न मुख्य रुपमा प्रचन्ड र माधव नेपालको भिषण दवाब रहेछ’, भट्टराईको फेसबुकमा लेखेका छन् ‘ गुरु भट्टराइ देखेर तिन कान्ला हाम्फ्ल्नेहरुले यो देश बनाउँछन भनेर कल्पना गर्नु? म लाखौको जागीर छोडेर ५० हजारको जागीर खान बाध्यताले आएको हो । त्यो बाध्यता मुलुक निर्माण र जनताको खुसहालीको निम्ति हो । मेरो आफ्नै ब्यक्तिगत चाहना हैन ।’
भट्टराईले थप भनेका छन्, ‘ माधव नेपाल र प्रचन्डले राजनीतिको नाममा मुलुक लुट्ने र जनताको आन्द्रा चुस्ने काम गरेको बिपक्षमा जन हित र लोकतन्त्रको पक्षमा बोल्दा मेरो आचरण खराब भो? मैले त घोषित रुपमा भनेको हुँ, माधव नेपाल कहाँ बाट चुनाव लड्छन, २ महिना म त्यहि बिताउने वाला छु। म संग जोरी खोज्ने माकुनेलाइ मैदानमा हिसाब किताब गर्छु। त्यसपछि बिपक्षि दलको सरकार बनाउँन हिड्ने यस्ता अराजनितिक मान्छे कहाँ पुग्छन प्रंष्ट छ । म त घोषित रुपमा भन्दैछु – माकुने राजनीतिके क्यानसर हो, काटेर फाल्न आवश्यक छ ।’
