२० साउन, काठमाडौँ ।
नेपालको राष्ट्रिय क्रिकेट टोलिका पूर्ब कप्तान पारस खडकाले सही अबसर आए राजनीतिमा आउन सक्ने बताएका छन् । अन्तर्राष्ट्रिय क्रिकेटबाट मङ्गलबार सन्यासको घोषणा गरेका खड्काले बुधबार आयोजित पत्रकार सम्मेलनमा उक्त धारणा राखेका हुन् । यद्दपी उनले तत्काल नेपालमा क्रिकेटका बिकास नै प्राथमिकतामा हुने प्रष्ट्याएका छन् ।
उनले भने ‘यदि राम्रो अवसरहरु आउँछ भने ह्वाइ नट । तर त्योभन्दा पहिले मैले क्रिकेट व्यवस्थापनमा आफूलाई प्रमाणित गर्न र्पयो । त्यसपछि भविष्यमा कुनै संस्थासँग वा कुनै पार्टीसँग जोडिएर राम्रो गर्न सकिन्छ भन्न लाग्यो भने त्यो पनि सोच्ने छु ।’
उनले तत्काल आफू क्रिकेट बिकास र प्रबद्र्धनका लागि ब्यवस्थापकीय जिम्मेवारीमा आउने लक्ष्य राखेको बताए । उनले भने “ब्यवस्थापकीय जिम्मेवारीमा आउन चुनाबमा जानुपर्छ, शून्य समयमा त्यसका लागि अभ्यास गर्नेछु ।
आफूले क्रिकेटमा भोगेका घटनाबारे किताब लेख्ने सोच पनि भएको उनको भनाइ छ। ‘मसँग धेरै घटना र अनुभव छन्, जुन म भन्न सक्दिन। कुनै दिन किताब लेख्ने रुची पनि छ।’ तर, आफूले अहिले त्यसबारे नसोचेको पनि बताए।
