२८ साउन, धरान ।
अख्तियार दुरुपयोग अनुसन्धान आयोगको धरानस्थित बीपी कोइराला स्वास्थ्य विज्ञान प्रतिष्ठानमा छापा मारेको छ ।
प्रतिष्ठानमा करोडौंको अनियमितता भएको सार्वजनिक भएपछि अख्तियारको टोली बिहीबार प्रतिष्ठानको कार्यालयमा पुगेको हो ।
एसएसपी टेकबहादुर तामाङ नेतृत्वको ५ जनाको टोली प्रतिष्ठानको कार्यालयमा पुगेर त्यहाँका केही कागजात नियन्त्रणमा लिएको छ । अख्तियारको केन्द्रबाट गएको टाेलीलाई इटहरीस्थित कार्यालयले समन्वय गरिरहेको छ ।
प्रतिष्ठानमा खरिद अक्सिजन प्लान्ट, एमआरआई, सिटिस्क्यान, एमसीएच भवन, फार्मेसी भवन निर्माणमा करोडौंको चलखेल भएको सार्वजनिक भएकाे छ ।
