२८ साउन, काठमाडौं ।
नेकपा माओवादी केन्द्रका सांसद गजेन्द्रबहादुर महतले कुलमान घिसिङबाहेक राम्रो काम गर्ने मान्छे कोही नदेखेको टिप्पणी गरेका छन् । प्रतिनिधिसभाको बिहीबारकाे बैठकमा उनले सरकारहरूले कुलमान र हनुमान मात्र देखेको आरोप लगाएका हुन् ।
उनले भने ‘पुरानो सरकारले हनुमान मात्र देख्यो। अहिलेको सरकारले कुलमान मात्र देख्यो।’ उनले कुलमानबाहेक अर्को कोही मान्छे छैन भन्दै कुलमान बुढो भएपछि सरकारले के गर्छ भनी प्रश्न गरे ?
‘कुलमानले प्राधिकरणलाई फाइदै पुर्याएका छन्, तर कुलमानबाहेक अर्को मान्छे छैन त ? कुलमान बुढो भएपछि के गर्छ त सरकारले ?’ उनले भने ।
महतले विद्युत प्राधिकरणबाहेक अरु सरकारी संस्थान पनि धरासायी रहेको भन्दै त्यता पनि ध्यान दिन उनले आग्रह गरे ।
