२९ साउन, काठमाडौं।
नेकपा (एमाले)की सांसद निरुदेवी पालले अमेरिकी सहयोग एमससी खारेज गर्न गरेकी छिन्। शुक्रबार प्रतिनिधिसभा बैठकको शून्य समयमा बौल्दै उनले एमसिसी सम्झौता राष्ट्रघाती भएको र त्यसका कैयन प्रावधान असमान भएको भन्दै तिनै आधार सम्झौता खारेज गर्न काफी रहेको बताइन् ।
सांसद पालले भनिन्, ‘एमसीसी जस्तो राष्ट्रघाती सम्झौताका लागि राष्ट्रिय सहमति गर्नु पर्ने आवश्यकता किन आइलाग्यो ? एमसिसीले तयार पारेको प्रस्तावानामा छलफल गर्न, व्यवस्था बुझ्न र स्पष्टीकरण सोध्न समेत पाउने छैन् । एमसीसी सम्झौतामा भएको कानुन नेपालको संविधानसँग बाझिएको खण्डमा स्वत नेपालको संविधानमा उल्लेखित कानुन लागू हुनु पर्ने होइन र ?’
उनले थपिन् ,‘दुवै कानुन बाझिएको खण्डमा एमसीसीको कानुन लागू हुने भनिएको छ। यिनै आधार काफी छैनन् र एमसिसी खारेज गर्न ? विकासका लागि बाह्यि शक्तिको हस्तक्षेप कुनै पनि हालतमा सह्य हुने छैन् ।’
