खोप लगाएको ‘क्यूआर कोड’सहितको प्रमाणपत्र अनलाइनबाटै लिन मिल्ने

२९ साउन, काठमाडौं ,

अब कोरोनाविरुद्ध खोप लगाएको ‘क्यूआर कोड’सहितको प्रमाणपत्र अनलाइनबाटै लिन मिल्ने भएकाे छ। शुक्रबार स्वास्थ्य तथा जनसंख्या मन्त्रालयले एक विज्ञप्ति जारी गर्दै क्यूआर कोडसहितको प्रमाणपत्र अनलाइनबाटै लिन सकिने जानकारी दिएको हो।

मन्त्रालयका अनुसार https://vaccine.mohp.gov.np/ अनलाइन प्रणालीमार्फत् खोप लगाएको विवरण प्रविष्टि गरी आवश्यक कागजात अपलोड गरेर प्रमाणपत्र लिन मिल्नेछ।

प्रमाणपत्र लिनका लागि खोप कार्ड, राहदानी नम्बर अनलाइन फार्ममा रहेको कबुलियतनामाको नमूना अपलोड गर्नुपर्ने  छ। अपलोड भएपछि उल्लेखित कागजात स्वास्थ्य सेवा विभाग, परिवार कल्याण महाशाखाको अनलाइन प्रणालीबाटै स्वतः भेरिफाई हुनेछ।

कतिपय देशले क्यूआर कोडसहितको खोप प्रमाणीकरणलाई मात्रै मान्यता दिने गरेको छ।