२ भदौ, काठमाडौं ।
नयाँ दल दर्ताका लागि निर्वाचन आयोगमा निवेदन दिएका माधवकुमार नेपाल समुह र महन्थ ठाकुर समुहको दल दर्ता हुन ३५ दिन लाग्ने भएको छ।
नेकपा एमाले र जनता समाजवादी पार्टीबाट विभाजित भएर दुईवटा नयाँ दल दर्ताका लागि बुधबार निर्वाचन आयोगमा निवेदन परेको छ। सरकारले राजनीतिक दलसम्बन्धी ऐन संशोधन गरेर अध्यादेश ल्याएसँगै नेपालले नेकपा एमाले समाजवादी र महन्थले जसपा लोकतान्त्रिक दर्ताका लागि आयोगमा बुधबार निवेदन दिएका छन् ।
प्रमुख निर्वाचन आयुक्त दिनेशकुमार थपलियाले प्राप्त निवेदनमाथि प्रक्रिया र्पुयाएर दल दर्ता गर्न ३५ दिनको समय लाग्ने बताएका छन्। उनले निवेदन औपचारिक रुपमा आयोगमा दर्ता भएको र उक्त निवेनमाथि अब प्रक्रिया सुरु हुने बताए ।
