७ भदाै, काठमाडौं ।
भारतीय जनता पार्टी (भाजपा)का विदेश विभाग प्रमुख विजय चौथाइवालेले एमाले अध्यक्ष तथा पूर्वप्रधानमन्त्री केपी शर्मा ओलीसँग भेट गरेका छन् । आज बिहान भएकाे भेटवार्तामा नेपाल र भारतबीच द्धिपक्षीय सम्बन्ध कुरा भएको चौथाइवालेले ट्वीटमार्फत जानकारी दिएका छन् ।
नेपाली कांग्रेसको निम्तोमा काठमाडौं आएका चौथाइवालेले अन्य दलका शीर्ष नेताहरुलाई पनि भेट्ने कार्यक्रम छ । उनले आइतबार बेलुकै प्रधानमन्त्री तथा कांग्रेस सभापति शेरबहादुर देउवालाई भेटेका थिए ।
