७ भदौ, काठमाडौं ।
नेकपा एमालेले मंगलबारका लागि स्थायी कमिटीको बैठक बोलाएको छ । मंगलबारकाे स्थायी कमिटी बैठकमा माधवकुमार नेपाल समूहसँग रहेका, तर उनको पार्टीमा नगएका नेताहरु पनि सहभागी हुने प्रवक्ता प्रदीप ज्ञवालीले जानकारी दिए ।
विहान पार्टी अध्यक्ष केपी शर्मा ओली निवास बालकाेटमा भएकाे छलफलमा १० बुँदे सहमति कार्यान्वयन गर्ने सहमति भएको र त्यसअनुसार नै भोलिको बैठक बोलाइएको उनले जानकारी दिए ।
भीम रावल, घनश्याम भुसाल, गोकर्ण विष्टलगायतका नेताहरुले १० बुँदे सहमति अक्षरस कार्यान्वयन गर्न नेतृत्वलाई सोमबारसम्मको अल्टिमेटम दिएका थिए । उनीहरु आज विहान ओलीलाई भेट्न उनको निवास बालकोट पुगेका थिए ।
ज्ञवालीका अनुसार भोलिको बैठकबाट दल दर्ता रोक्दै एकताका लागि आह्वान समेत गर्ने सम्भावना छ ।
