८ भदाै, काठमाडौं ।
नेकपा एमालेको स्थायी कमिटी बैठकमा उपाध्यक्ष वामदेव गौतम अनुपस्थित भएका छन्। पार्टी विवादमा लामो समयदेखि माधवकुमार नेपाललाई साथ दिँदै आएका स्थायी कमिटी सदस्यहरु आजको बैठकमा सहभागी भए पनि वामदेव नगएका हुन् । च्यासलस्थित तुल्सीलाल स्मृति प्रतिष्ठानमा बैठक जारी छ।
गाैतमले निर्वाचन आयोगमा नयाँ पार्टी दर्ताका लागि निवेदन परेको भोलिपल्ट आफू पक्षका नेताहरुको बैठकमा केपी ओलीलाई साथ दिन नसकिने बताएका थिए। त्यसपछि उनी नेपाल नेतृत्वको नयाँ पार्टीतिर खुलेको बताइएको थियो। तर भदौ ६ गते उनको सचिवालयले गौतम एमालेमै रहेको भन्दै सूचना सार्वजनिक गरेको थियो।
आजको बैठकले असार २७ गते भएको १० बुँदे सहमति कार्यान्वयनको मोडालिटी तयार गर्ने भनिएको छ। त्यसका लागि ईश्वर पोखरेल, भीम रावल र विष्णु पौडेलको अनौपचारिका कार्यदल पनि बनाइएको छ।
