१२ भदाै, बाँके।
बाँकेको जानकी गाउँपालिकाका अध्यक्ष राम निवास यादवको निधन भएको छ ।
मिर्गौलासम्बन्धी समस्याबाट पीडित यादवको शनिबार बिहान १ बजे उपचारका क्रममा नेपालगञ्जमा निधन भएको गाउँपालिकाकी उपाध्यक्ष भुमिसरा धितालले जानकारी दिए । यादवलाई स्वास्थ्यमा समस्या भएपछि शुक्रबार साँझ शिक्षण अस्पतालमा भर्ना गरिएको थियो ।
यादव एमालेबाट गाउँपालिकाअध्यक्षमा निर्वाचित भएका थिए । यादवका आमा, श्रीमति, दुई छोरा र दुई छोरी रहनुभएको छ ।
