सुनसरी, असार २७
सुनसरी प्रहरीले ईटहरीबाट ६ लाख बढी मूल्यको भन्सार छली गरेको सामान बरामद गरेको छ। ईटहरी उपमहानगरपालिका वडा नम्बर ५ पचरुखीस्थित विजय कुमार साहको घरमा भण्डारण गरेको ६ लाख ८७ हजार ७ सय ३५ रुपैया बराबरको कपडा, कुकर तथा लेडिज चप्पल प्रहरीले सोमबार बरामद गरेको हो।
घर भाडामा लिई तस्करी गरि ल्याएको सामान भण्डारण गर्ने गरेका भन्ने विशेष सुचनाको आधारमा जिल्ला प्रहरी कार्यालय सुनसरीका प्रहरी नायव उपरीक्षक नारायण चिमरियाको कमाण्डमा खटिएको टोलीले घर छापा मार्दा तल्लो तलाबाट सो सामान बरामद भएको थियो।
बरामद सामान मंगलबार कानूनी प्रकृया पुरा गरी सेतुवन्ध भन्सार कार्यालय कोशी ब्यारेजमा बुझाइएको जिल्ला प्रहरी कार्यालयले जनाएको छ।
