१५ भदाै, काठमाडौं ।
नेपाल र पपुवा न्युगिनीबीचको दुई ओडिआई खेलको एक्सन स्पोर्ट्सले प्रत्यक्ष प्रसारण गर्ने भएको छ । प्रत्यक्ष प्रसारणका लागि नेपाल क्रिकेट संघ (क्यान) र डिश मिडिया नेटवर्क प्रा.ली बीच मंगलबार सम्झौता भएको छ ।
क्यानका कोषाअध्यक्ष रोशन कुमार सिंह र डिश मिडिया नेटवर्कका प्रबन्ध निर्देशक सुदीप आचार्यले सम्झौता पत्रमा हस्ताक्षर गरेका छन्।
एक्सन स्पोर्ट्सले महिला प्रधानमन्त्री कप, प्रधानमन्त्री कप पुरुष, काठमर्डौ मेयर्स कप र ललितपुर वुमन च्याम्पियनसिप प्रतियोगिता सफल रुपमा प्रत्यक्ष प्रसारण गरि सकेको छ ।
आइसिसी विश्वकप लिग २ अन्तर्गत ओमान र अमेरिकासँग त्रिकोणात्मक ओडिआई खेलको सिरिजको लागि तयारी स्वरुप नेपालले पिएनजीसँग दुई ओडिआई खेल खेल्न लागेको हो ।
नेपाल र पिएनजीबीचको पहिलो खेल भदौ २० र दोस्रो खेल भदौ २३ (सेप्टेम्बर ५ र ८) मा हुने छ । हाल नेपाली टोली ओमानमा प्रशिक्षणमा व्यस्त छ ।
