१६ भदाै, एजेनसी ।
युरोपियन फुटबलमा खेलाडी किनबेचको समय अवधि सकिएको छ । ट्रान्सफर समयअवधिको अन्तिम दिन मंगलबार थुप्रै खेलाडीहरुको किनबेच भएको छ ।
पेनिस खेलाडी साउल निग्वेज एथ्लेटिको मड्रिडबाट ऋण स्वरुप चेल्सी आएका छन् भने बार्सिलोनाका खेलाडी एन्टोनियो ग्रेजमन पुनः एथ्लेटिको मड्रिड फर्किएका छन् ।
विश्व फुटबलकै सर्वकालिन महान खेलाडीमध्येका एक क्रिश्चियानो रोनाल्डोले आफ्नो म्यान्चेस्टर युनाईटेड पुनरागमन पुरा गरेका छन् ।
यसैगरी आर्सनलले जापानी डिफेन्डर तोमियासुलाई क्लबमा भित्र्याउँदा म्यान्चेस्टर युर्नाटेडका ड्यानियल जेम्स लिड्स युनाईटेड पुगेका छन् ।
यो सिजन प्रिमियर क्लबहरुले खेलाडी किनबेचमा १ अर्ब पाउण्डभन्दा बढी खर्चिएका छन् । सिजनको मुख्य ट्रान्सफरको रुपमा क्रिश्चियानो रोनाल्डो म्यानचेस्टर युनाईटेडमा, रोमेलु लुकाकु चेल्सीमा तथा ज्याक ग्रिएलिसको म्यानचेस्टर सिटीमा भएको आगमनलाई हेरिएको छ ।
