१७ भदाै, दाङ।
दाङमा बाढीले गाडी बगाउँदा २ जनाको मृत्युभएको छ भने दुई जना बेपत्ता भएको छन् । घोराही लमही सडक खण्डको घोराही उपमहानगरपालिका ४ सिस्नेखोलामा आएको बाढीले बुधबार राती गाडी बगाउँदा एकै घरका दुई दिदिबहिनीको मृत्युभएको हो भने अन्य दुई जना महिलालाई बाढीले बेपत्ता बनाएको छ ।
प्रहरीले चालकलाई भने उद्धार गरेको छ । भारतको रुपैडियामा किनमेल गरेर फर्कदै गर्दा प्रदेश ०३–०१–०२४च ४४४० नम्बरको कारलाई बाढीले बगाएको थियो ।
घटनामा परि घोराही १३ का ३२ बर्षिय सुशिला श्रेष्ठ र घोराही १४ का ३० बर्षिय राधा श्रेष्ठ कुवरको शब फेला गरेको दाङका प्रहरी प्रबक्ता डिएसपी मुकुन्दप्रसाद रिजालले जानकारी दिए ।
मृतक राधा र शुसिला घोराही उपमहानगरपालिका वडा नम्बर १६ का सदस्य जगत श्रेष्ठका छोरीहरु हुन् । घटनामा घोराही १३ का ४० बर्षिय रितामाया पुन र घोराही १४ का ४२ बर्षिय विमला केसीलाई बाढीले बेपत्ता बनाएको छ ।
दुबै जनाको खोजी भैरहेको प्रहरीले जनाएको छ । चालक घोराही १५ का ४० बर्षिय नरबहादुर पुनको खुट्टा भाँचिएको छ ।उनकाे राप्ती स्वास्थ्य विज्ञान प्रतिष्ठानमा उपचार भइरहेकाे प्रहरीले जनाएकाे छ ।
