२४ भदौ, काठमाडौं ।
कप्तान ह्यारी केनले गरेको गोलको अग्रता जोगाउन नसक्दा इंग्ल्याण्ड बराबरीमा रोकिएको छ ।
बुधबार राति पोल्यान्डको घरेलु मैदानमा इंग्ल्याण्ड १–१ को बराबरीमा रोकिएको हो ।
पहिलो हाफ गोलरहित बराबरीको अवस्था सकिँदा दुबै गोल दोस्रो हाफमा सम्भव भएका थिए ।
काइल वाकरको पासमा कप्तान ह्यारी केनले गोल गर्दै इङ्ल्यान्डलाई ७२औँ मिनेटमा अग्रता दिलाएका थिए । तर, इन्ज्युरी समयमा डामियन स्जिमान्स्कीले रोबर्ट लेवान्डोस्कीको पासलाई हेडमार्फत गोल गर्दै टोलीको हार टारे ।
बराबरीपछि पनि समूह ‘आई’मा १६ अंकसहित इंग्ल्याण्ड शीर्ष स्थानमा कायम छ । पोल्यान्ड ११ अंकका साथ तेस्रो स्थानमा छ ।
