२४ भदाै, एजेन्सी ।
अफगानिस्तानको नवनियुक्त प्रधानमन्त्री मुल्लाह मोहम्मद हसन अखुन्दले पूर्व सरकारी अधिकारीलाई फिर्ता आउन आग्रह गरेका छन् । तालिबानले काबुल नियन्त्रणमा लिएपछि सरकारी अधिकारी देश छोडेर पलायन भएका थिए ।
प्रधानमन्त्री अखुन्दले अलजजिरासँगको अन्तर्वार्तामा तालिबानले सरकारी अधिकारीको सुरक्षाको जिम्मेवारी लिने दाबी गरेका छन् । उनले कामचलाउ सरकारले कूटनीतिज्ञ, दूतावास, मानवीय सहायताकर्ताको सुरक्षाको पूर्ण सुनिश्चितता गर्ने बताएका छन् । उनले कामचलाउ सरकारले छिमेक र अन्य राष्ट्रसँग सशक्त र सकारात्मक सम्बन्ध बनाउन चाहेको प्रष्ट्याए।
“हामीले ऐतिहासिक उपलब्धिसम्म आइपुग्न थुप्रै मानवीय र आर्थिक क्षति भोग्नुपरेको छ र अब अफगान नागरिकसमक्ष ठूलो जाँच र दायित्व बहन गर्ने समय आइपुगको छ ।”–उनले बताए ।
