१ असाेज, धनगढी ।
सुदूर पश्चिम प्रदेश सरकार नेकपा एकीकृत समाजबादीका तर्फबाट दुई मन्त्री थप हुने भएका छन् । मुख्यमन्त्री त्रिलोचन भट्टले अर्थिक मामिला तथा योजना मन्त्रीमा तारालामा तामाङ र अर्थ राज्य मन्त्रीमा माया तामाङ बोहरालाई नियुक्त गर्ने तयारी गरेका हुन् ।
शुक्रबार साझ ६: ३० बजे सपथ ग्रहण गराउने तयारी भएको प्रदेश सरकारका एक मन्त्रीले बताए । भदौ २२ मा प्रकाशबहादुर शाह र राज्यमन्त्री अर्चना गहतराजले पदबाट राजीनामा दिएपछि दुई पद खाली रहेको थियो ।
तारालामा तामाङ पुर्व प्रमुख सचेतक हुन् भने माया तामाङ बोहरा यसअघि नेकपामा विवाद हुदा ओली पक्षमा थिइन् । तामाङ प्रमुख सचेतक रहेकै वेला शाहले उनलाई उक्त जिम्मेवारी बाट हटाएका थिए । अहिले तीनै शाहको स्थानमा तामाङ मन्त्री बन्न लागेका हुन् ।
नेकपामा विवादमा हुँदा पनि ओली पक्षमा उभिएकी समानुपातिक प्रदेश सभा सदस्य तामाङले मुख्य मन्त्रीलाई विश्वासको मत दिने बेला पनि विपक्षमा मतदान गरेकी थिइन् ।
सुदूूरपश्चिममा एमाले विभाजनपछि एकीकृत समाजवादी १४ सांसदसहित सबैभन्दा ठूलो दल बनेको छ । एकीकृत समाजवादीका तर्फबाट आन्तरिक मामिला तथा कानून मन्त्री पूर्णा जोशी, भौतिक पूर्वाधार विकास मन्त्री दीर्घबहादुर सोडारी, सामाजिक विकास मन्त्री लालबहादुर खड्का र दुई जना राज्यमन्त्री यसअघि नै प्रदेश सरकारमा छन् ।
