११ असोज, काठमाडौं ।
बुद्ध एयरलाइन्सको जहाज विराटनगरमा ल्याण्ड हुन नसकेपछि काठमाडौं फर्किएको छ।
सोमबार बिहान विराटनगरतर्फ उडेको जहाजको ल्याण्डिङ गियरमा समस्या भएपछि अवतरण हुन नसक्दा जहाज काठमाडौं फर्किएको हो । अहिले जहाज काठमाडौंकै आकाशमा उडिरहेको छ ।
जहाज काठमाडौं फर्किएसँगै त्रिभुवन अन्तर्राष्ट्रिय विमान स्थलमा हाइ अलर्ट गरिएको छ । अहिले विमानस्थलमा कुनै उडान भरिएको छैन । विमानस्थल स्रोतका अनुसार अहिले जहाजलाई काठमाडौंमा अवतरण गराउने प्रयास भइरहेको छ ।
