४ कात्तिक, काठमाडौँ ।
सरकारले नेपाल प्रहरी र सशस्त्र प्रहरीको रासन भत्तामा १५ प्रतिशत वृद्धि गर्ने तयारी गरेको छ । प्रहरीको रासन भत्ता बढाउने प्रस्ताव अब बस्ने मन्त्रिपरिषद्को बैठकमा पेश गर्ने गृह मन्त्रालयकाे तयारी छ ।
सरकारले आर्थिक वर्ष २०७८/०७९ को बजेट वक्तव्यको बुँदा नम्बर ३९२ मा प्रहरी र सशस्त्र प्रहरीको रासनमा १५ प्रतिशत वृद्धि गर्ने घोषणा गरेको थियो । बजेटमा गरिएको यही व्यवस्था कार्यान्वयन गर्न गृह मन्त्रालय लागी परेकाे छ ।
गृहमन्त्री बालकृष्ण खाँणले मन्त्रिपरिषद्को आगामी बैठकमा रासन वृद्धि सम्बन्धी फाइल पेस गर्न स्वीकृत गरिसकेका छन् । अब मन्त्रिपरिषद् बैठकले निर्णय गरेपछि गत साउन एक गतेदेखि नै नेपाल प्रहरी र सशस्त्र प्रहरीले वृद्धि भएको रासन भत्ता पाउनेछन् ।
सरकारले जिल्लाको दर रेट र भौगोलिक क्षेत्रका आधारमा भत्ताको रकम तय गर्ने गर्छ । त्यसैका आधारमा उनीहरूले रासन भत्ता पाउँदै आएका छन् ।
