४ कात्तिक, काठमाडौँ ।
चीनले हुम्लाका जनतालाई खाद्यान्न सहयोग गरेको छ । चिनियाँ परराष्ट्र मन्त्रालय र तिब्बतका स्थानीय अधिकारीहरूबाट हुम्ला सीमाना क्षेत्रका जनतालाई स्वास्थ्य सामग्री,खाद्यान्न र दैनिक आवश्यक पर्ने वस्तुहरु अनुदान सहयोग गरेको चिनियाँ राजदूतावासले जनाएकाे छ ।
राजदूत होउ यान्छीले खाद्यान्न सहयोग गरेको जानकारी दिँदै उक्त सहयोगलाई दुई मुलुकबीचको सीमा सहकार्यको संज्ञा दिएकी छन् । उनले ट्वीट गर्दै कोरोना भाइरसविरुद्ध संयुक्त रुपमा लड्न चीन–नेपालको लागि सीमा सहकार्य महत्वपूर्ण पक्ष रहेको उल्लेख गरेकी छन् ।
कति परिमाणमा सामग्री सहयोग गरिएको हो भन्ने बारेमा भने राजदूतावासले उल्लेख गरेको छैन ।
