१४ कार्तिक, काठमाडौं ।
वरिष्ठ अधिवक्ता शम्भु थापाले प्रधानन्यायाधीश चोलेन्द्र शमशेर जबरालाई अब प्रधानन्यायाधीश मान्न नसकिने बताएका छन्।
नेपाल बार एसोसिएसनले प्रधानन्यायाधीश जबराको राजीनामा माग गर्दै आइतबारदेखि गरेको विरोध कार्यक्रममा सहभागी हुँदै उनले राणाको हर्कतका कारण उनलाई अब प्रधानन्यायाधीश मान्न नसकिने बताएका हुन्।
उनले राणा पशुपतिको मूल भट्टझैं भएको तर नैतिकता देखाउन नसकेको टिप्पणी गरे। थापाले महाअभियोगको विषय संविधानको धारामा रहेको उल्लेख गर्दै राजनीतिक दलहरुलाई पुकार नगर्ने बताए।
विरोध कार्यक्रममा सहभागी पूर्वसभामुख दमननाथ ढुंगानाले पनि आन्दोलन न्यायालय सुधारका लागि भएको भन्दै प्रधानन्यायाधीश राणाले तत्काल राजीनामा दिनुपर्ने बताए।
बारले आज (आइतबार) देखि हातमा पट्टी बाँधेर विरोधका कार्यक्रम सुरु गरेको छ।
बुधबारसम्म प्रधानन्यायाधीशलाई राजीनामा दिन नेपाल बारले आग्रह गरेको छ। सो अवधिसम्म पनि राजीनामा नदिए थप आन्दोल गर्ने बारको भनाइ छ।
