१६ कात्तिक, विराटनगर।
प्रदेश १ मा आज राजेन्द्र राई मुख्यमन्त्री बन्दै छन् । उनको सपथ आज दिउसो २ बजे पछि हुने कार्यक्रम छ ।
सोमबार निवर्तमान मुख्यमन्त्री भिमप्रसाद आचार्यले प्रदेश प्रमुखसँग गरेको राजिनामा गरेसँगै नयाँ सरकार गठन गर्न प्रदेश प्रमुख सोमनाथ अधिकारी ‘प्यासी’ ले आह्वान गरेका थिए । त्यसपछि साेमबार नै विपक्षी गठबन्धनमा आवद्ध राजनीतिक दलका नेताहरुले प्रदेश प्रमुखको कार्यालयमा पुगेर नेकपा (एकीकृत समाजवादी) संसदीय दलका नेता राजेन्द्र राईलाई मुख्यमन्त्री बनाउन दाबी पेश गरेका थिए ।
विपक्षी गठबन्धनले ४९ जना सांसदको हस्ताक्षरसहित राईलाई मुख्यमन्त्री बनाउन प्रदेश प्रमुख समक्ष दाबी पेश गरिसकेका छन् । नयाँ सरकार बनाउन नेपाली काँग्रेस, नेकपा माओवादी केन्द्र, नेकपा एकीकृत समाजवादी, जनता समाजवादी पार्टी (जसपा) र संघीय लोक्तान्त्रिक राष्ट्रिय मञ्चका गरी जम्मा ४९ जना सांसदले हस्ताक्षरसहितको पत्र बुझाएका थिए ।
माओवादी केन्द्रबाट निवर्तमान उपसभामुख सरस्वती पोखरेल मातृसोकमा रहेका कारण उनको हस्ताक्षर भने छैन । तर उनको समर्थन रहेको छ । त्यसो गर्दा गर्दा राईको पक्षमा ५० जनाको समर्थन रहेको छ । नयाँ सरकार गठनका लागि ४७ जनाको मत आवश्यक पर्छ ।
राईले मुख्यमन्त्रीको सपथ लिएलगतै तत्काल मन्त्रिपरिषद् गठन गर्ने तयारी गरेको छ । नेपाली कांग्रेसका सांसद शिवनारायण सिंह गन्गाईले दिउँसो बढीमा पाँच सदस्यीय मन्त्रिमण्डल बन्ने जानकारी दिएका छन् ।
उनले भने, ‘गठबन्धनका दलबाट कम्तीमा एक / एक जना मन्त्री पठाउने गरी बढीमा पाँच सदस्यीय मन्त्रिमण्डल गठन गर्ने तयारी भएको छ ।
