१० मंसिर, काठमाडौं।
नेकपा एमालेको १०औं महाधिवेशनमा अतिथीका रुपमा पुगेका राष्ट्रिय प्रजातन्त्र पार्टीका अध्यक्ष कमल थापालाई स्वागत गर्दै आयोजकले खादा लगाइदिए ।
खाँदा रातो रङ्गको र पुछारमा एमालेको सुर्य चिन्हभित्र हँसिया हथौडाको लोगो थियाे । थापालाई लगाइदिएको खाँदामा नाम थियो डा. हर्षर्वद्धन ।
थापा दंग पर्दै हात उठाए । उनको नाम पनि बोलियो र स्वागत गरियो । तर, आयोजकले भारतीय जनता पार्टीका नेता हर्षवद्र्धनलाई लगाइदिनुपर्ने खादा उनलाई लगाइदिएका थिए ।
