२० मंसिर, काठमाडौं।
सरकारले अब लकडाउन नगर्ने भएको छ । नयाँ प्रजातिको ओमिक्रोन कोरोना भाइरस नेपालमा देखिएपनि लकडाउने गर्ने कुनै योजना नभएको स्वास्थ्य मन्त्रालयले प्रष्ट पारेको छ । मन्त्रालयले बरु जोखिमलाई दृष्टिगत गरी सावधानी अपनाउन आग्रह गरेको छ ।
सोमबार नेपालमा ओमिक्रोनका २ जना संक्रमित भेटिएका छन् । ओमिक्रोन फैलनसक्ने भन्दै सामाजिक सञ्जालमा चासो र चिन्ता बढेपछि सरकारले सचेत गराउँदै लकडाउन बारे निर्णय नगरेको जनाएको हो ।
मन्त्रालयका सहप्रवक्ता डा समीर कुमार अधिकारीले सरकारले लकडाउन बारे केही निर्णय नगरेको बताए । उनले भने, ‘लकडाउन हुँदैन । यसबारे सरकारले केही निर्णय गरेको छैन । ’
खोपको अभियानलाई बढाउँदै लाने र खोप नलगाएकालाई कडाई गर्नेतर्फ सरकारले तयारी गरिरहेको बुझिएको छ ।
