१ मंसिर, विराटनगर । नेपालको सबैभन्दा ठूलो इन्टरनेट सेवा प्रदायक वर्ल्डलिंक कम्युनिकेसन्सको ग्राहक संख्या ७ लाख पुगेको छ । कम्पनीले मंगलबार वर्ल्डलिंकको ईन्टरनेट संख्या ७ लाख घरपरिवारमा पुगेको बताएको हो।
नेपालको राष्ट्रिय जनगणना २०७८ को प्रारम्भिक प्रतिवेदन अनुसार प्रति परिवारको औसत जनसंख्या ४.३२ रहेकोमा यसलाई आधार मान्दा वर्ल्डलिंकको ईन्टरनेट सेवा ३० लाख भन्दा ज्यादा नेपाली माझ पुगेको देखिएको कम्पनीले जनाएको छ ।
कम्पनीले यस स्थानमा पुग्न मद्दत गर्ने सबै ग्राहकलाई आभार व्यक्त गर्दै “विश्वस्तरीय सेवाद्वारा ग्राहकहरुको जीवनस्तर समृद्ध बनाउने “ आफ्नो मिसनमा कटिबद्ध रहने जनाएको छ ।
कम्पनीले देशको ७३ वटै जिल्लामा आफ्नो सेवा विस्तार गरी कार्य सञ्चालन गरिरहेको तथा यही वर्ष सेवा विस्तार गरी ७७ वटै जिल्लामा पु¥याउने लक्ष्य राखेको छ।
हालसम्म १४ हजार भन्दा ज्यादा स्थानमा निःशुल्क सार्वजनिक वाइफाई उपलब्ध गराइरहेको कम्पनीको यो वर्षभित्र ३० हजार स्थानमा निःशुल्क वाइफाई उपलब्ध गराउने योजना छ ।
यो सँगै कम्पनीले ’कनेक्टिङ एभ्रिवन, एभ्रिवेर, अल द टाइम’ नाराको अठोटमा आफुहरु सफल भएको जनाएको छ ।
